SEO талаар жаахан зүйл бичье гэж бодлоо. Бичих болсон учир шалтгаан нь интернетээр мөнгө хийцгээе гэсэн уриалага,боломж маш их өссөнтэй холбоотой. Энэ талаар бичихээр гүүглийн рекламыг өөрийн блог болон вэб хуудсандаа байршуулан ашиг олох явдалтай шууд холбоо хамааралтай болно. Рекламаа хэрхэн байршуулах, ашиглах г.м бичлэг болон зөвөлгөөнүүд маш их байдаг болохоор энэ удаад арай өөр талаас жаахан тайлбар оруулъя. Реклам байршуулан ашиг олоход, тухайн блог болон вэб(цаашдаа Б&В) сайтын хандалттай шууд хамааралтай байдаг. Учир нь хандалт ихсэх тусам тухайн рекламыг үзэх хүний тоо ихсэх боломжтой болдог. Ийм учраас өөрийн Б&В сайтын хандалтыг хэрхэн нэмэгдүүлэх вэ гэдэг асуудал үүсдэг. Мэдээж тухайн Б&В агуулгаас ихээхэн шалтгаалах боловч анхлан эхлэж буй хүмүүст өөрийн Б&В-г хэрхэн нийтэд түгээх вэ гэдэг асуудал үүснэ. Энэ асуудалыг шийдэхэд ихээхэн хувь нэмэр оруулах зүйл нь SEO сайтар ашиглах явдал юм. Одоогоор хамгийн хүчирхэг хайлтын систем болох google,yahoo,bing.. –г дэлхий нийтээрээ сая сая хүн хэрэглэж, хайлт хийн өөрийн хүссэн мэдээлэлээ олж авахад ашиглаж байгаа. Энэ хүчирхэг хайлтын системүүдэд өөрийн Б&В-г оновчтойгоор таниулахад юуг анхаарах хэрэгтэй талаар бяцхан зөвөлгөө маягийн юм доор гальт сийрүүлье.
Дээрх хайлтын системүүд нь хайлт хийх үедээ ашиглах өгөгдлийн байзаа өдөр бүр шинэчлэж байдаг. Энэ шинэчлэх алхамд өөрийн Б&В-г зөв таниулж чадвал сая сая хүний хандалтыг өөрийн Б&В-т татах боломжтой болно. Үүнээс үүдээд хэрхэн зөв таниулах вэ гэдэг асуудал үүснэ. Үүнд :
Б&В-н keyword,description-г зөв,оновчтой тодорхойлох.
Тухайн Б&В-г хайлтын системүүд уншхад хялбар байх
Sitemap.xml файлыг шинэ хуудас нэмэгдэх бүрт шинэчлэж байх
Б&В-н линкийн тоо, тухайн линк ажиллаж байгаа эсэх гээд дурдаад байвал маш олон зүйл багтдаг. Эхний ээлжинд дээрх зүйлсийн талаар жаахан тайлбар нэмье.
Б&В-н keyword,description-г зөв,оновчтой тодорхойлох.
Keyword-г тодорхойлохдоо хайлтын системд хэрэглэгч ямар keyword оруулан хайлт хийхэд өөрийн Б&В хайлтын үр дүнд илэрэх боломжтой талыг бодолцон өөрийн Б&В агуулгт тохирох keyword-дыг [,] таслалаар тусгаарлан тодорхойлж өгөх хэрэгтэй. Хэт олон keyword тодорхойлж өгөх нь сайн зүйл биш 5-6-н keyword-г тодорхойлж өгвөл хамгийн сайн гэж үздэг. Хайлтын системүүд нь Keyword-д тодорхойлж өгсөн текстээс хамгийн зүүн талых нь өндөр үнэлгээтэй буюу үндсэн агуулга гэж үздэг.
Description-г тодорхойлохдоо хэт их урт текст бичихээс зайлс хийх хэрэгтэй ихдээ 160 тэмдэгт байвал сайн.(Зэнкакү бол 80 тэмдэг). Мөн тухайн текстын агуулга нь Б&В-н агуулгатай тохирч байх нь чухал.
Б&В-г хайлтын системүүд уншхад хялбар байх
Дээрх зүйлд маши олон зүйл ордог. Таг-дын дараалал тухайн таг ашигласан тоо, эхлэл болон төгсгөлийн тагыг заавал бүрэн бичиж байх гэх мэт. Жишээлбэл h1,h2,h3 г.м тагуудын бичигдэх дараалал нь дээрх бичигдсэн дараалалаар бичигдвэл сайн. Мөн h1 тагыг нэг хуудсанд олон ашиглахгүй байвал сайн.
CSS-г стандартын дагуу бичсэн байх. Зөв бичигдсэн эсэхийг w3c validator түүлүүд ашиглан шалгаж болдог.(Өөр өөрсдийн Б&В-г шалгаад үзээрэй.)
Тухайн хуудсанд ашиглагдаж байгаа зураг,линкүүдийн тайлбарыг тодорхойлж өгвөл сайн. Ж: img тагын alt property-г тухайн зургын агуулгат тохируулан тодорхойлж өгвөл сайн. Энэ хэсэгт бол маш олон зүйл бичиж болно та бүхэн хэрэгтэй гэж үзээд илүү ихийг мэдэхийг хүсвэл гүүглээс хайгаад үзээрэй.
Sitemap.xml файлыг шинэ хуудас нэмэгдэх бүрт шинэчлэж байх
Sitemap.xml-г тодорхойлж өгөх нь маш чухал зүйл. Хайлтын системүүдийн өгөгдлийн санг шинэчлэдэг Robot-д (03-05) үед тухайн файл тодорхойлогдсон байвал шууд тухайн файлын утгаар хайлтын сангаа өөрчилдөг. Уг файлыг тодорхойлохдоо бэлэн түүлүүд ашиглан үүсгээд өөрийн Б&В-н нүүр хуудас байрлаж байгаа дир-т хуулах хэрэгтэй. Гүүглийн мэдээлэлийн санд зөв таниулж чадвал Yahoo гүүглийн хайлтын сангаас шууд шинэчлэдэг болсон тул юуны өмнө гүүглийн WebMaster түүлийг ашиглан бүртгүүлээрэй. Bing-н хувьд өөрийнх WebMaster түүлийг ашиглах нь зүйтэй юм.
Тухайн файлыг зөв зүйтэй,өөрийн Б&В хуудас нэмэх, устгах үед шинэчлээд байвал таны Б&В-н хандалт эрс нэмэгдэнэ гэдэгт итгэлтэй байж болно. Яагаад устгах нэмэх үед гэвэл тухайн Б&В-т байрлаж буй линкүүд ажиллахгүй байвал хайлтын системүүд таны Б&В-н үнэлгээ буурч хайлтын үр дүнд харуулах байрлал буурна. Ж : тодорхой нэг хайлтын үр дүнгийн хамгийн эхэнд таны Б&В байрладаг байсан бол 10-т харуулна г.м
Б&В-н линкийн тоо, тухайн линк ажиллаж байгаа эсэх
Линк ажиллахгүй байвал ямар үр дагавар гарах талаар дээр дурьдсан болно. Линкийн тоо хайлтын системд эзлэх ранк-г тодорхойлно. Мөн ямар линк гэдгээс шалтгаалдаг болно. Өөр олон олон үзүүлэлтээр таны Б&В-н ранк тодорхойлж хайлтын үр дүндээ лист үүсгэн харуулдаг.
Энэ хүрээд ядмагхан тайлбараа дуусгая. Илүү их зүйлийн талаар мэдэхийг хүсвэл дээрх хайлтын системүүдийг ашиглан дэлгэрэнгүй мэдээлэлийг хэн нэгний Б&В-с олж аваарай.
Continue Reading...
